اكله للرجيم

مين عايز ياكل كل الاكلات وفى النفس الوقت يكون عامل رجيم؟ ...............
رجيم يعنى مفيش اكل... طيب ليه؟
ما ممكن الاكل كله يبقى صحى وكدة مش نحتاج لدكتور يقول كلوا ده وما تكلوش ده، ويبقى الرجيم تقيل على القلب والايام مش بتعدى وكل شوية اوزن نفسى ودي اصعب لحظة تعالوا بقى اقولكم ازاي تخسوا وتبقى حياتكم صحية ومع ذلك بتاكلوا كــــــــــــــــــــــــــــــــل الاكلات الحلوة.

عايزة تعملى بامية يبقى لازم صلصة ..،وسمنة..، وومش ناسية الرز الجميل طبعا

* انا مش حاقول مقادير انا بشرح لك فكرة الاكل الصحى فقط

طريقة عمل بامية باللحمة المفرومة بطريقة صحية:
الصلصة:
1- طماطم قطعيها نصين
2- بصل قطعيه نصين
3- توابل ( فلفل، لاورا ) ، توم حسب الرغبة
4- كل ده يوضع فى حلة وحبة ميه قليلة جدا و على الهادى لحد ما يستوى واتركيه ليبرد وبعدين على الخلاط.
* يطلع معاكى احلى صوص طماطم ومن غير تسبيك كمان، يعنى لا فيه سمنة ولا زبدة ولا زيت ويبقى كدة صلصتنا صحية ميه الميه.



( تستخدم هذه الصلصة مع المكرونة ايضا وعلى البيتزا )


طريقة البامية:

1- انسى تماما الزبدة والسمنة والكلام ده اقصى حاجة مسموحة ليكي 2 ملعقة زيت كبيرة
2- قطعى البصلة وشويها ثم اللحمة المفرومة لحد ما تستوي
3- حطى البامية وشوحيها كويس
4- ثم الصلصة وسيبيها لحد ما البامية تستوى.

الارز:
1- حطى كمية مكرونة شعيرية وحمريها من غير اي دهون
2- حطى الرز وشوحيه مع المكرونة
3- حطى المية الكافية للرز والملح وسيبيه لحد ما يستوى


طريقة عمل بامية بشوربة الفراخ بطريقة صحية:

1-الفرخة تكون منزوعة الجد واسلقيها
2- خدى الشوربة اطبخى بيها البامية
3- بالنسبة للفراخ ممكن تقطعيها اربع قطع وادهنى وشها بقليل من الصلصة الصحية بتاعتنا وحطى عليها توابل وزعتر ودخليها فى فرن هادئ علشان وشها يتحمر حتطلع احلى فراخ مشوية

وكدة قدرنا ناكل البامية والرز واحنا مطمنين اننا مش حنزيد فى الوزن كلوها بالف هنا وعافية وابقوا ادعوا لى

وعايزة رأيكم اوعوا حد يمشى من غير ما يكتب رأيه وعندى افكار تانية كتير بس انتوا شجعونى

الحمدلله احنا ضعاف ما بدنا رجيم بس انت اكيد بدك